Aviso legal

Titular do sitio web

En cumprimento do artigo 10 da Lei 34/2002, de servizos da sociedade da información e de comercio electrónico (LSSI), infórmase de que esta web é titularidade de ANPA Gonderán, asociación sen ánimo de lucro inscrita no Rexistro de Asociacións da Xunta de Galicia, con NIF G36718674 e domicilio en CEIP Frián-Teis, Rúa Gonderán 42, 36206 Vigo.

Contacto: anpa.frian@gmail.com. É a canle única para calquera comunicación coa asociación, incluído o exercicio dos dereitos de protección de datos.

Finalidade da web

Esta web é a ferramenta de xestión da asociación: informa das actividades e serve para que as familias socias xestionen as súas altas, o comedor, a aula matinal, a ludoteca, as extraescolares e os recibos. Non ten carácter comercial nin publicitario: a asociación non vende bens nin servizos e non hai contratación electrónica con ánimo de lucro. Os pagamentos que se poden facer aquí corresponden a cotas e prezos de servizos acordados en asemblea.

Condicións de uso

O acceso á zona privada require unha conta facilitada pola asociación. Cada persoa é responsable de custodiar o seu contrasinal e de non compartir a súa conta: a través dela vense datos de menores. Comprométese a usar a web conforme á lei e a esta finalidade, a facilitar datos certos e a manter actualizados os das persoas ao seu cargo. A asociación pode suspender unha conta que se use de forma indebida.

Propiedade intelectual

Os contidos propios (textos, documentos, imaxes e o programa que move esta web) pertencen á asociación ou aos seus autores. Poden reproducirse sen ánimo de lucro citando a orixe. Os documentos e as imaxes nos que aparecen menores non se poden difundir fóra da comunidade escolar.

Responsabilidade e ligazóns externas

A asociación coida a información publicada, pero non responde de erros materiais nin de interrupcións do servizo, que se atende con medios voluntarios. As ligazóns a webs de terceiros (centro educativo, federación, administracións, empresas provedoras) ofrécense só como referencia: os seus contidos son responsabilidade de quen as xestiona.

Datos persoais e cookies

O tratamento dos datos e o uso de cookies explícanse na política de privacidade. Esta web non usa cookies publicitarias nin de analítica de terceiros.

Lexislación aplicable

Este aviso réxese pola lexislación española. Para calquera discrepancia, as partes someteranse aos xulgados e tribunais de Vigo, sen prexuízo do foro que corresponda por lei ás persoas consumidoras.